ಉಡುಪಿ: ಇಲ್ಲಿನ ಶ್ರೀಕೃಷ್ಣ ಮಠದ ಹೊರ ಆವರಣದಲ್ಲಿರುವ ಕನಕ ಕಿಂಡಿಗೆ ಕನಕ (ಚಿನ್ನ)ದ ಕವಚ ತೊಡಿಸಲಾಗಿದ್ದು, ಮಾಜಿ ಸಚಿವ ಉದ್ಯಮಿ ಪ್ರಮೋದ್ ಮಧ್ವರಾಜ್ ಸೇವಾರೂಪದಲ್ಲಿ ಕಾರ್ಯ ನೆರವೇರಿಸಿದ್ದಾರೆ. ಅದನ್ನು ಈ ತಿಂಗಳ 28ರಂದು ಪ್ರಧಾನಿ ಮೋದಿ ಲೋಕಾರ್ಪಣೆಗೊಳಿಸಲಿದ್ದಾರೆ.
ಅಮ್ಮುಂಜೆಯಲ್ಲಿರುವ ತನ್ನ ಮನೆಯಲ್ಲಿ ಗೋಪೂಜೆ ನರೆವೇರಿಸಿ, ಕುರುಬ ಸಮುದಾಯದ ಪ್ರಮುಖರ ಜೊತೆಗೂಡಿ ಸರಳವಾಗಿ ಶ್ರೀಮಠಕ್ಕೆ ಪ್ರಮೋದ್ ಚಿನ್ನದ ಕವಚ ಸಮರ್ಪಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಪ್ರಮೋದ್ ಮಧ್ವರಾಜ್ಮ ಪಯರ್ಾಯ ಪುತ್ತಿಗೆ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದರು ಕನಕನ ಕಿಂಡಿಗೆ ಕನಕದ ಕವಚ ಮಾಡುವ ವಿಚಾರ ತಿಳಿಸಿದಾಗ ತಕ್ಷಣ ಸಮ್ಮತಿಸಿದೆ. ಯಾವುದೇ ಫಲಾಪೇಕ್ಷೆಯಿಲ್ಲದೆ ಶ್ರೀಕೃಷ್ಣ ಮತ್ತು ಕನಕದಾಸರಿಗೆ ಭಕ್ತಿಯಿಂದ ಈ ಕವಚವನ್ನು ಸೇವಾರೂಪದಲ್ಲಿ ನೀಡುತ್ತಿರುವುದಾಗಿ ತಿಳಿಸಿದರು. ಗುರುಪುರ ಕೈಕಂಬದ ವಿವೇಕ್ ಆರ್. ಪ್ರಭು ಮಾಲಕತ್ವದ ಶ್ರೀ ದಾಮೋದರ ಜ್ಯುವೆಲ್ಲರ್ಸ್ ಸಂಸ್ಥೆಯಲ್ಲಿ ಚಿನ್ನದ ಕವಚ ಸಿದ್ಧಪಡಿಸಲಾಗಿದೆ ಎಂದರು.
0 ಕಾಮೆಂಟ್‌ಗಳು