"ಆಯಿಯೇ ಮೇರಾ ಸಂಘ ಪರಿವಾರ": ಉಡುಪಿ RSS ಹಿರಿಯರ ಕುಟುಂಬವನ್ನು ಭಾವುಕರಾಗಿ ಭೇಟಿಯಾದ ಪ್ರಧಾನಿ ಮೋದಿ”

"ಆಯಿಯೇ ಮೇರಾ ಸಂಘ ಪರಿವಾರ..." – ಇದು ಉಡುಪಿಯ ಹಿರಿಯ ಆರ್‌ಎಸ್‌ಎಸ್ ಸ್ವಯಂಸೇವಕ ದಿವಂಗತ ಶ್ರೀ ಗುಜ್ಜಾಡಿ ನರಸಿಂಹ ನಾಯಕ್ ಅವರ ಕುಟುಂಬವನ್ನು ಕಂಡಾಗ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ತೋರಿದ ಆತ್ಮೀಯ ಸ್ವಾಗತ. ರಾಜಕೀಯ ಸಭೆ-ಸಮಾರಂಭಗಳ ನಡುವೆ ಅತ್ಯಂತ ಭಾವನಾತ್ಮಕ ಮತ್ತು ಕೌಟುಂಬಿಕ ವಾತಾವರಣದಲ್ಲಿ ನಡೆದ ಈ ಭೇಟಿ, ತಳಮಟ್ಟದ ಕಾರ್ಯಕರ್ತರ ಬಗ್ಗೆ ಪ್ರಧಾನಿಯವರಿಗಿರುವ ಅಪಾರ ಗೌರವಕ್ಕೆ ಸಾಕ್ಷಿಯಾಯಿತು.

ಗುಜ್ಜಾಡಿ ಸ್ವರ್ಣ ಜ್ಯುವೆಲರ್ಸ್ ಸಂಸ್ಥಾಪಕ, ದಿವಂಗತ ಶ್ರೀ ಗುಜ್ಜಾಡಿ ನರಸಿಂಹ ನಾಯಕ್ [1926–2009] ಅವರ ಶತಮಾನೋತ್ಸವದ ಅಂಗವಾಗಿ ಹೊರತರುತ್ತಿರುವ ಜೀವನಚರಿತ್ರೆ ಪುಸ್ತಕದ ಪುರಾವೆ ಪ್ರತಿಯನ್ನು ಅವರ ಆರು ಮಂದಿ ಸುಪುತ್ರರು (ಸ್ವರ್ಣ ಸಹೋದರರು) ಪ್ರಧಾನಿಗೆ ಅರ್ಪಿಸಿದರು.

ಪ್ರಧಾನಿಯವರನ್ನು ಭೇಟಿಯಾಗುವಾಗ ಕುಟುಂಬದ ಸದಸ್ಯರಲ್ಲಿ ಸಹಜವಾಗಿಯೇ ಆತಂಕವಿತ್ತು. ಆದರೆ ಮೋದಿ ಅವರು ಮನೆಯ ಹಿರಿಯ ಸದಸ್ಯನಂತೆ ಪ್ರೀತಿಯಿಂದ ಮಾತನಾಡಿಸಿದಾಗ ಕುಟುಂಬದವರ ಕಣ್ಣಾಲಿಗಳು ತುಂಬಿ ಬಂದವು. "ಆಪ್ ಸಬ್ ಭಾವುಕ್ ಹೋ ಗಯೇ" (ನೀವೆಲ್ಲರೂ ಭಾವುಕರಾಗಿದ್ದೀರಿ) ಎಂದು ನಗುತ್ತಲೇ ಸಾಂತ್ವನ ಹೇಳಿದ ಪ್ರಧಾನಿ, ಇಡೀ ಭೇಟಿಯನ್ನು ಒಂದು ‘ಪರಿವಾರ ಮಿಲನ’ವನ್ನಾಗಿ ಬದಲಿಸಿದರು.

ನಮನ ಹಾಗೂ ಕೊಡುಗೆ

1. ಶ್ರೀ ಪ್ರಭಾಕರ ನಾಯಕ್ ದಂಪತಿ ಮಲ್ಲಿಗೆ ಹಾರ, ಸರಳ ಶಾಲು ಮತ್ತು ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನದ ಪ್ರಸಾದ ಅರ್ಪಿಸಿದರು. 

2. ಶ್ರೀ ಮಾಧವ ನಾಯಕ್ ಉಡುಪಿ ಶ್ರೀ ಕೃಷ್ಣ ದೇವಸ್ಥಾನ ಮತ್ತು ಮಂಗಳೂರು ಶ್ರೀ ವೆಂಕಟರಮಣ ದೇವಸ್ಥಾನದ ಪ್ರಸಾದ ನೀಡಿದರು. ಮೋದಿ ಜಿ ಸಂತೋಷದಿಂದ ಸ್ವೀಕರಿಸಿದರು. 

3. ಶ್ರೀ ರಾಮದಾಸ ನಾಯಕ್ ದಂಪತಿ ತಂದೆಯವರ ಕುರಿತ ಶತಮಾನೋತ್ಸವ ಪುಸ್ತಕದ ಪುರಾವೆ ಪ್ರತಿ ನೀಡಿದರು. ಪ್ರಧಾನಿ ಜಿ ಕುತೂಹಲದಿಂದ ಪರಿಶೀಲಿಸಿದರು. 

4. ಶ್ರೀ ಗೋಪಾಲಕೃಷ್ಣ ನಾಯಕ್ ದಂಪತಿ ಬೆಳ್ಳಿ ಕೆತ್ತನೆಯ ಸ್ಮರಣಿಕೆ ನೀಡಿದರು. 

5. ಶ್ರೀ ರಾಜೇಶ್ ನಾಯಕ್ ದಂಪತಿ ಅಯೋಧ್ಯಾ ಶ್ರೀ ರಾಮ ಮಂದಿರ ಮತ್ತು ತಿರುಪತಿ ಬಾಲಾಜಿ ದೇವಸ್ಥಾನಕ್ಕೆ ತಯಾರಿಸಿದ ದೇವಸ್ಥಾನ ವಸ್ತುಗಳ ಸ್ವರ್ಣ ಸಂಸ್ಥೆಯ ಕ್ಯಾಟಲಾಗ್ ನೀಡಿದರು. 1993ರಿಂದ ಗ್ರಾಮೀಣ ಭಾಗದ ಆರ್ಥಿಕವಾಗಿ ಹಿಂದುಳಿದ ಸಮುದಾಯದ ಹೆಣ್ಣುಮಕ್ಕಳಿಗೆ ಸ್ವರ್ಣ ಸಂಸ್ಥೆಯು ಚಿನ್ನಾಭರಣ ತಯಾರಿಕೆಯ ತರಬೇತಿ ನೀಡುತ್ತಿರುವುದನ್ನು ಶ್ರೀ ಗೋಪಾಲ್ ವಿವರಿಸಿದರು. 

6. ಶ್ರೀ ರಘುವೀರ ನಾಯಕ್ ದಂಪತಿ PM CARES ನಿಧಿಗೆ ₹1 ಕೋಟಿ ಕೊಡುಗೆ ನೀಡಿದರು. ಸ್ವೀಕರಿಸಿ ಮೋದಿ ಜಿ “ಯೇ ದೇಶ್ ಕೆ ಕಾಮ್ ಕೆ ಲಿಯೇ ಸಮರ್ಪಿತ” ಎಂದರು.

ಹಿಂದಿನ ಕಾಲದಲ್ಲಿ ನಿಮ್ಮ ತಂದೆಯಂತಹವರ ತ್ಯಾಗ ಮತ್ತು ಶ್ರಮದಿಂದಾಗಿ ಎಲ್ಲವೂ ಸಾಧ್ಯವಾಯಿತು”. ತಮ್ಮ ತಂದೆಯ ನಿಷ್ಠೆಯನ್ನು, ನಿನ್ನೆ ಭೇಟಿಯಾದ ಬಂಗಾಳದ ಹಿರಿಯ ಕಾರ್ಯಕರ್ತ ಶ್ರೀ ಛಗನ್‌ಲಾಲ್ ಜಿ ಅವರಿಗೆ ಹೋಲಿಸಿದರು.

ಉಡುಪಿಗೆ ಆಮಂತ್ರಣ

ಸಹೋದರರು ತಂದೆಯ ಜನ್ಮ ಶತಾಬ್ದಿ ನಿಮಿತ್ತ 26ನೇ ಜುಲೈ 2026 ರಂದು ಉಡುಪಿಯಲ್ಲಿ ಪುಸ್ತಕ ಬಿಡುಗಡೆಗೆ ಆಗಮಿಸಲು ಪ್ರಧಾನಿ ಜಿ ಯವರನ್ನು ಆಹ್ವಾನಿಸಿದರು. ಖಂಡಿತವಾಗಿಯೂ ಪ್ರಯತ್ನಿಸುತ್ತೇನೆ, ನನ್ನ ಸಂದೇಶವನ್ನಂತೂ ಖಂಡಿತ ಕಳುಹಿಸಿಕೊಡುತ್ತೇನೆ(“ಲಾಗ್ ನಹೀ ಛೋಡ್ತೇ. ಮೈ ಕೋಶಿಶ್ ಕರೂಂಗಾ. ಮೈ ಅಪ್ನಾ ಮೆಸೇಜ್ ಝರೂರ್ ಭೇಜೂಂಗಾ)” ಎಂದು ಎಂದು ಭರವಸೆ ನೀಡಿದರು.

ವೈಯಕ್ತಿಕ ನೆನಪುಗಳು: 

ಶ್ರೀ ಪ್ರಭಾಕರ ನಾಯಕ್ 1991 ಮತ್ತು 1992ರಲ್ಲಿ ಸಂಘ ಪ್ರವಾಸದ ಸಂದರ್ಭದಲ್ಲಿ ಮೋದಿ ಜಿ ಯವರನ್ನು ಭೇಟಿಯಾದುದನ್ನು ನೆನಪಿಸಿಕೊಂಡರು. ಕೊನೆಯಲ್ಲಿ ಪ್ರಧಾನಿ ಜಿ ಅವರೇ ಮುಂದಾಗಿ ಇಡೀ ಕುಟುಂಬದೊಂದಿಗೆ ಸಮೂಹ ಛಾಯಾಚಿತ್ರಕ್ಕೆ ವ್ಯವಸ್ಥೆ ಮಾಡಿದರು. ಈ ನಡೆಯನ್ನು ಕುಟುಂಬ “ಅತ್ಯಂತ ವಿನಮ್ರ ಮತ್ತು ಸಹಜ” ಎಂದು ಬಣ್ಣಿಸಿತು.

ದಿ. ಶ್ರೀ ಗುಜ್ಜಾಡಿ ನರಸಿಂಹ ನಾಯಕ್ ಕುರಿತು

22ನೇ ಸೆಪ್ಟೆಂಬರ್ 1942 ರಿಂದ ಸ್ವಯಂಸೇವಕರಾಗಿದ್ದ ಅವರು, ಉಡುಪಿಯಲ್ಲಿ ಮೊದಲ ಶಾಖೆ ಪ್ರಾರಂಭವಾದ ಕೇವಲ 3 ತಿಂಗಳಲ್ಲಿ ಸಂಘ ಸೇರಿದರು. 67 ವರ್ಷಗಳ ಕಾಲ RSS, VHP ಮತ್ತು ಜನಸಂಘ/ಬಿಜೆಪಿ ಮೂಲಕ ಸಂಘ ವ್ರತ ಪಾಲಿಸಿದರು. ಗುಜ್ಜಾಡಿ ಸ್ವರ್ಣ ಜ್ಯುವೆಲರ್ಸ್ ಸಂಸ್ಥಾಪಿಸಿ, ಕರಾವಳಿ ಕರ್ನಾಟಕದಲ್ಲಿ ಅದನ್ನು ವಿಶ್ವಾಸದ ಹೆಸರಾಗಿಸಿದರು. ಅವರ ಪುತ್ರರು ಪ್ರಕಟಿಸುತ್ತಿರುವ ಪುಸ್ತಕ ಅವರ ಜೀವನಚರಿತ್ರೆಯ ಜೊತೆಗೆ 1942ರಿಂದ ಉಡುಪಿ ಜಿಲ್ಲೆಯ RSS ಇತಿಹಾಸದ ದಸ್ತಾವೇಜು ಆಗಿದೆ.

ಸಹೋದರರು ಪುಸ್ತಕವನ್ನು PMOಗೆ ಕಳುಹಿಸಿ ವಿನಂತಿಸಿದ್ದರು. ಮಹಾನ್ ವ್ಯಕ್ತಿಗಳು ಇತರ ಮಹಾನ್ ವ್ಯಕ್ತಿಗಳನ್ನು ಗುರುತಿಸುತ್ತಾರೆ. ಕೆಲವೇ ದಿನಗಳಲ್ಲಿ PMO ಭೇಟಿ ಖಚಿತಪಡಿಸಿತು – ಇದು ಮೋದಿ ಜಿ ಅವರಿಗೆ ತಳಮಟ್ಟದ ಕಾರ್ಯಕರ್ತರ ಮೇಲಿರುವ ಗೌರವವನ್ನು ತೋರಿಸುತ್ತದೆ. ಸಂಸದರೇ ತಿಂಗಳುಗಟ್ಟಲೆ ಕಾಯುವಾಗ, 67 ವರ್ಷದ ಸ್ವಯಂಸೇವಕನ ಕುಟುಂಬವನ್ನು ತಕ್ಷಣ ಕರೆಯಲಾಯಿತು.

ಇದು ರಾಜಕೀಯ ಭೇಟಿಯಾಗಿರಲಿಲ್ಲ. ಇದು ಪರಿವಾರ ಮಿಲನ. 67 ವರ್ಷಗಳ ತಪಸ್ಸಿನಿಂದ ನಮ್ಮ ತಂದೆ ಸಂಪಾದಿಸಿದ ಸಮ್ಮಾನವನ್ನು ಮೋದಿ ಜಿ ನಮಗೆ ನೀಡಿದರು. ಅವರ ‘ಮೇರಾ ಸಂಘ ಪರಿವಾರ’ ಎಂಬ ಮಾತು ನಮ್ಮ ಜೀವನದ ಅತಿದೊಡ್ಡ ಆಶೀರ್ವಾದ. ರಾಷ್ಟ್ರ ನಿಷ್ಠೆ ಮತ್ತು ನಿಷ್ಕಾಮ ಸೇವೆ ಎಂಬ ಅವರ ಮೌಲ್ಯಗಳನ್ನು ಜೀವಿಸಿ ಈ ಪರಂಪರೆಯನ್ನು ಉಳಿಸುತ್ತೇವೆ

~ಗುಜ್ಜಾಡಿ ಪ್ರಭಾಕರ ನಾಯಕ್ ಮತ್ತು ಸಹೋದರರು