ಉಡುಪಿ, ಜುಲೈ 2026: ರೋಟರಾಕ್ಟ್ ಕ್ಲಬ್ನ 2026–27ನೇ ಸಾಲಿನ ನೂತನ ನಿರ್ದೇಶಕರ ಮಂಡಳಿಯ ಪದಗ್ರಹಣ ಸಮಾರಂಭವು ಗಣ್ಯ ರೋಟೇರಿಯನ್ಗಳು, ಅಧ್ಯಾಪಕರು, ಅತಿಥಿಗಳು ಹಾಗೂ ರೋಟರಾಕ್ಟರ್ಗಳ ಸಮ್ಮುಖದಲ್ಲಿ ಅದ್ದೂರಿಯಾಗಿ ನಡೆಯಿತು. ಈ ಸಮಾರಂಭವು ಹಿಂದಿನ ತಂಡದ ಸಾಧನೆಗಳನ್ನು ಸ್ಮರಿಸುವುದರ ಜೊತೆಗೆ ನೂತನ ನಾಯಕತ್ವಕ್ಕೆ ಅಧಿಕಾರ ಹಸ್ತಾಂತರ ಮಾಡುವ ಮಹತ್ವದ ಕ್ಷಣವಾಗಿತ್ತು.
ಕಾರ್ಯಕ್ರಮವು ಗಣ್ಯರ ಸ್ವಾಗತ, ನಿರ್ಗಮಿತ ಅಧ್ಯಕ್ಷರ ಕಾಲರಿಂಗ್, ಪ್ರಾರ್ಥನೆ ಹಾಗೂ ದೀಪ ಪ್ರಜ್ವಲನೆಯೊಂದಿಗೆ ಆರಂಭವಾಯಿತು. ನಂತರ ಸ್ವಾಗತ ಭಾಷಣ, ವಾರ್ಷಿಕ ಕಾರ್ಯದರ್ಶಿ ವರದಿಯನ್ನು ರೋಟರಾಕ್ಟರ್ ಸಿದ್ಧಿಕಾ ಮಂಡಿಸಿದರು. ನಿರ್ಗಮಿತ ಅಧ್ಯಕ್ಷ ರೋಟರಾಕ್ಟರ್ ಕರಣ್ ಅವರು ತಮ್ಮ ಅವಧಿಯ ಸಾಧನೆಗಳನ್ನು ವಿವರಿಸಿ, ಕ್ಲಬ್ನ ಯಶಸ್ವಿ ಕಾರ್ಯಚಟುವಟಿಕೆಗಳನ್ನು ಹಂಚಿಕೊಂಡರು.
ಈ ಸಮಾರಂಭದ ಪ್ರಮುಖ ಆಕರ್ಷಣೆಯಾಗಿ 2026–27ನೇ ಸಾಲಿನ ನೂತನ ಅಧ್ಯಕ್ಷೆಯಾಗಿ ರೋಟರಾಕ್ಟರ್ ಸೃಷ್ಟಿ ಹಾಗೂ ಕಾರ್ಯದರ್ಶಿಯಾಗಿ ರೋಟರಾಕ್ಟರ್ ಸಿದ್ದೇಶ್ ಅವರು ಅಧಿಕೃತವಾಗಿ ಅಧಿಕಾರ ಸ್ವೀಕರಿಸಿದರು. ನೂತನ ಅಧ್ಯಕ್ಷೆ ತಮ್ಮ ಭಾಷಣದಲ್ಲಿ ಮುಂಬರುವ ಸಾಲಿನ ಕಾರ್ಯಯೋಜನೆ ಹಾಗೂ ಸೇವಾ ದೃಷ್ಟಿಕೋನವನ್ನು ಸದಸ್ಯರೊಂದಿಗೆ ಹಂಚಿಕೊಂಡರು. ಬಳಿಕ ನೂತನ ನಿರ್ದೇಶಕರ ಮಂಡಳಿಯನ್ನು ಪರಿಚಯಿಸಿ, ನಾಯಕತ್ವ, ಸ್ನೇಹ ಹಾಗೂ ಸೇವೆಯ ಆದರ್ಶಗಳನ್ನು ಪಾಲಿಸುವುದಾಗಿ ಪ್ರಮಾಣ ವಚನ ಬೋಧಿಸಲಾಯಿತು.
ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ರೋಟರಾಕ್ಟರ್ ರೇಷ್ಮಾ ಹಾಗೂ ರೋಟರಾಕ್ಟರ್ ಮಹಾಲಸಾ ಭಾಗವಹಿಸಿ ಪ್ರೇರಣಾದಾಯಕ ಸಂದೇಶಗಳನ್ನು ನೀಡಿದರು. ಕಾರ್ಯಕ್ರಮದ ಇನ್ಸ್ಟಾಲಿಂಗ್ ಆಫೀಸರ್ ಆಗಿ ರೋಟೇರಿಯನ್ ಪಿಎಚ್ಎಫ್ ಡಾ. ಪ್ರದೀಪ್ ಎಸ್. (ಅಧ್ಯಕ್ಷರು, ರೋಟರಿ ಕ್ಲಬ್ ಆಫ್ ಮಣಿಪಾಲ) ಹಾಗೂ ಯುವ ಸೇವಾ ನಿರ್ದೇಶಕರಾದ ರೋಟೇರಿಯನ್ ಸುಭಾಷ್ ಬಂಗೇರ ಅವರು ನೂತನ ಪದಾಧಿಕಾರಿಗಳಿಗೆ ಶುಭ ಹಾರೈಸಿ, ಸಮಾಜಸೇವೆಯಲ್ಲಿ ಉತ್ತಮ ಸಾಧನೆ ಮಾಡುವಂತೆ ಕರೆ ನೀಡಿದರು.
ಕೊನೆಯಲ್ಲಿ ವಂದನಾರ್ಪಣೆ, ಅನ್ಕಾಲರಿಂಗ್ ಸಮಾರಂಭ ಹಾಗೂ ಕಾಲೇಜು ಪ್ರಾಂಶುಪಾಲರಾದ ಡಾ ಡಾ. ಮಮತಾ ಕೆ. ವಿ. ಅವರ ಮಾರ್ಗದರ್ಶನದಲ್ಲಿ ಕಾರ್ಯಕ್ರಮ ಯಶಸ್ವಿಯಾಗಿ ಮುಕ್ತಾಯಗೊಂಡಿತು. ಸಮಾರಂಭವನ್ನು ಯಶಸ್ವಿಗೊಳಿಸಿದ ಎಲ್ಲಾ ಗಣ್ಯರು, ಅತಿಥಿಗಳು ಹಾಗೂ ಸದಸ್ಯರಿಗೆ ರೋಟರಾಕ್ಟ್ ಕ್ಲಬ್ ಕೃತಜ್ಞತೆ ಸಲ್ಲಿಸಿ, ನೂತನ ನಿರ್ದೇಶಕರ ಮಂಡಳಿಗೆ ಯಶಸ್ವಿ ಹಾಗೂ ಸೇವಾಮಯ ಅವಧಿಯನ್ನು ಹಾರೈಸಿತು.
