ಮಣಿಪಾಲ: ಯೋಗವು ನಮ್ಮ ದೈಹಿಕ, ಮಾನಸಿಕ ಸಮಾತೋಲನವನ್ನು ಕಾಪಾಡಿಕೊಳ್ಳುವುದರೊಂದಿಗೆ ಆರೋಗ್ಯವಾಗಿರಲು ಸಹಕಾರಿಯಾಗಿದೆ.
ಕೇವಲ ಕುಟುಂಬಕ್ಕೆ ಮಾತ್ರವಲ್ಲದೇ ಸಮಾಜಕ್ಕಾಗಿ ಜೋಡಿಸಿಕೊಳ್ಳುವ ಮೂಲಕ ಸಾಮಾಜಿಕವಾಗಿ ಬೆಳವಣಿಗೆ ಸಾಧ್ಯ. ಅಲ್ಲದೆ ಯೋಗವು ಒಂದು ಅಖಂಡ ಭಾರತದ ಚಿಂತನೆಯಾಗಿದೆ ಎಂದು ಶಿವಪ್ರೇರಣಾ ಚಾರಿಟೇಬಲ್ ಟ್ರಸ್ಟ್ ನ ಅಧ್ಯಕ್ಷ ಮಹೇಶ್ ಠಾಕೂರ್ ಹೇಳಿದರು. ಅವರು ರವಿವಾರ ಶಿವಪಾಡಿಯ ರತ್ನ ಸಂಜೀವ ಕಲಾಮಂಡಲದಲ್ಲಿ ನಡೆದ ಪತಂಜಲಿ ಯೋಗ ಶಿಕ್ಷಣ ಸಮಿತಿ ಶಿವಪಾಡಿ ಶಾಖೆಯ ಪ್ರಥಮ ವಾರ್ಷಿಕೋತ್ಸವದ ಸಮಾರಂಭದಲ್ಲಿ ಭಾಗವಹಿಸಿ ದೀಪ ಪ್ರಜ್ವಲನೆ ಮಾಡಿ ಮಾತುಗಳನ್ನು ಆಡಿದರು. ಸಂಸ್ಕಾರ ಸಂಘಟನೆ ಸೇವಾ ಮನೋಭಾವನೆಯಿಂದ
ಸಮಾಜಕ್ಕೆ ಪೂರಕವಾದ ಕಾರ್ಯದಲ್ಲಿ ತೊಡಗಿಸಿಕೊಂಡಿರುವುದು ಹೆಮ್ಮೆಯ ವಿಚಾರವಾಗಿದೆ. ಯೋಗದೊಂದಿಗೆ ಪರಿಸರ ಸಂರಕ್ಷಣೆಯಲ್ಲಿ ಎಲ್ಲರು ತೊಡಗಿಸಿಕೊಳ್ಳುವ ಎಂದು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಹಿರಿಯ ಯೋಗ ಬಂಧು ದಿವಾಕರ್ ಅವರು ಮಾತನಾಡಿ ನಿರಂತರವಾದ ಯೋಗಾಭ್ಯಾಸವು ನಮ್ಮ ಮಾನಸಿಕ ಕ್ಷಮತೆಯನ್ನು ಹೆಚ್ಚಿಸುವುದಲ್ಲದೆ ದೈಹಿಕ ಸದೃಢತೆಯನ್ನು ಕಾಪಾಡಿಕೊಳಲು ಸಾಧ್ಯವಾಗುದೆ ಎಂದರು.
ಈ ಸಂದರ್ಭದಲ್ಲಿ ಶಾಖೆಯ ಮುಖ್ಯ ಶಿಕ್ಷಕಿ ವಾಣಿ ನರೇಶ ನಗರ ಸಂಚಾಲಕರದ ರಮೇಶ್, ಶ್ರೀಪತಿ, ಪ್ರದೀಪ್, ಶಿವ ಪ್ರಸಾದ್, ರೇಷ್ಮಾ, ಅನಿತಾ, ಪ್ರಕಾಶಿನಿ ಹೇಮಲತಾ ಮೊದಲಾದವರು ಉಪಸ್ಥಿತರಿದ್ದರು. ರಶ್ಮಿತಾ ವರದಿ ವಾಚಿಸಿದರು. ಕಾರ್ಯಕ್ರಮವನ್ನು ಚೇತನ ಗಣೇಶ ಅವರು ಸ್ವಾಗತಿಸಿ, ನಮಿತಾ ಪ್ರಾರ್ಥಿಸಿ, ನಮಿತಾ. ಜಿ ನಿರೂಪಿಸಿ, ಮಹೇಶ್ ನಾಯ್ಕ್ ರವರು ವಂದಿಸಿದರು.
ಈ ಸಂದರ್ಭದಲ್ಲಿ 40 ಕು ಹೆಚ್ಚು ಯೋಗ ಬಂಧುಗಳೇ ಯೋಗಾಭ್ಯಾಸವನು ಮಾಡಿದರು.
, ಶಿವಪಾಡಿ ಶಾಖೆ ಪ್ರಥಮ ವಾರ್ಷಿಕೋತ್ಸವ){kind=link}
0 ಕಾಮೆಂಟ್‌ಗಳು