ಕೃತಕ ಬುದ್ಧಿಮತ್ತೆ (AI) ಆಧಾರಿತ ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ಪರಿವರ್ತನೆಗೆ ಶಕ್ತಿ ತುಂಬಲು ‘MAGIC’ ಪರಿಚಯಿಸಿದ ಮಾಹೆ

ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (MAHE -ಮಾಹೆ), ವಿಶ್ವವಿದ್ಯಾಲಯ ಎಂದು ಪರಿಗಣಿತವಾಗಿರುವ ಉತ್ಕೃಷ್ಟ ಸಂಸ್ಥೆ (Institution of Eminence Deemed-to-be University), ಇಂದು ತನ್ನ ಡಿಜಿಟಲ್ ಪರಿವರ್ತನಾ ಪ್ರಯಾಣದಲ್ಲಿ ಮಹತ್ವದ ಹೆಜ್ಜೆಯಾಗಿ MAGIC (MAHE AGentic Intelligent Console) ಅನ್ನು ಅಧಿಕೃತವಾಗಿ ಉದ್ಘಾಟಿಸಿತು. ಈ ಯೋಜನೆಯ ಮೂಲಕ ವಿಶ್ವವಿದ್ಯಾಲಯದ ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ವ್ಯವಸ್ಥೆಗಳಾದ್ಯಂತ ಮಾಹೆ ಆಧಾರಿತ ಏಜೆಂಟ್ ವ್ಯವಸ್ಥೆಗಳನ್ನು ಅಳವಡಿಸುವ ಉದ್ದೇಶ ಹೊಂದಿದೆ.

ಇದು ವಿಶ್ವವಿದ್ಯಾಲಯದ ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ಪರಿಸರ ವ್ಯವಸ್ಥೆಗಳಲ್ಲಿ ಕೃತಕ ಬುದ್ಧಿಮತ್ತೆ (ಎಐ)-ಚಾಲಿತ ಏಜೆಂಟ್ ವ್ಯವಸ್ಥೆಗಳನ್ನು ಪರಿಚಯಿಸಲು ವಿನ್ಯಾಸಗೊಳಿಸಲಾದ ಡಿಜಿಟಲ್ ರೂಪಾಂತರವಾಗಿದೆ. ಮಾಹೆ ತಂತ್ರಜ್ಞಾನ-ಚಾಲಿತ ವಿಕಾಸದಲ್ಲಿ ಮಾಹೆ MAGIC ಒಂದು ಮಹತ್ವದ ಮೈಲಿಗಲ್ಲು. MAGIC ವೇದಿಕೆಯು ವಿಶ್ವವಿದ್ಯಾನಿಲಯದ ಸಾಂಪ್ರದಾಯಿಕ ಪ್ರತಿಕ್ರಿಯಾತ್ಮಕ ಡಿಜಿಟಲ್ ವ್ಯವಸ್ಥೆಗಳನ್ನು ಬದಲಾಯಿಸಿ ಸ್ವಯಂಪ್ರೇರಿತ AI- ಆಧಾರಿತ ವ್ಯವಸ್ಥೆಗಳಿಗೆ ಪರಿವರ್ತಿಸುತ್ತದೆ. ಅಧ್ಯಾಪಕರು, ವಿದ್ಯಾರ್ಥಿಗಳು ಮತ್ತು ನಿರ್ವಾಹಕರಿಗೆ ಯಾಂತ್ರೀಕೃತಗೊಂಡ, ಒಳನೋಟಗಳಿರುವ ಮತ್ತು ಸುಧಾರಿತ ನಿರ್ಧಾರ ತೆಗೆದುಕೊಳ್ಳಲು ಸಹಕರಿಸುತ್ತದೆ.

2023 ರಲ್ಲಿ ಮಾಹೆ ಆರಂಭಿಸಿದ ಸಾಂಸ್ಥಿಕ ಪ್ರಕ್ರಿಯೆಗಳು ಮತ್ತು ಸೇವೆಗಳನ್ನು ಆಧುನೀಕರಿಸುವ ಡಿಜಿಟಲ್ ರೂಪಾಂತರ ಇದಾಗಿದೆ. ಮೈಕ್ರೋಸಾಫ್ಟ್, ಸೇಲ್ಸ್‌ಫೋರ್ಸ್, ಡೆಲಾಯ್ಟ್, PwC, ಮತ್ತು ಹಿಟಾಚಿ ಸೇರಿದಂತೆ ಪ್ರಮುಖ ಜಾಗತಿಕ ತಂತ್ರಜ್ಞಾನ ಸಹಯೋಗದೊಂದಿಗೆ ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಈ ಉಪಕ್ರಮವನ್ನು ಜಾರಿಗೊಳಿಸುತ್ತಿದೆ.

ಮಾಹೆ, ತಂತ್ರಜ್ಞಾನ ಪಾಲುದಾರರು, ಅಧ್ಯಾಪಕರ ಪ್ರತಿನಿಧಿಗಳು ಮತ್ತು ಆಡಳಿತ ತಂಡಗಳ ಹಿರಿಯ ನಾಯಕರು ಉನ್ನತ ಶಿಕ್ಷಣದಲ್ಲಿ ಎಐ-ಚಾಲಿತ ವೇದಿಕೆಗಳನ್ನು ಅಳವಡಿಸಿಕೊಳ್ಳುವ ಕುರಿತು ಚರ್ಚೆ ನಡೆಸಿದರು.

 MAGIC ತಂತ್ರಜ್ಞಾನವನ್ನು ವಿಶ್ವವಿದ್ಯಾಲಯ ಕಾರ್ಯಗಳಲ್ಲಿ ಬುದ್ಧಿವಂತ ಎಐ ಏಜೆಂಟ್‌ಗಳನ್ನು ಪರಿಚಯಿಸಲು ವಿನ್ಯಾಸಗೊಳಿಸಲಾಗಿದೆ. ಈ ವ್ಯವಸ್ಥೆಯು ಆರಂಭದಲ್ಲಿ ವಿದ್ಯಾರ್ಥಿಯ ಕಲಿಕಾ ಅವಧಿಯ ನಿರ್ವಹಣೆ (SLCM) ವೇದಿಕೆಯೊಳಗೆ ಐದು AI ಏಜೆಂಟ್‌ಗಳನ್ನು ನಿಯೋಜಿಸುತ್ತದೆ: ವೇಳಾಪಟ್ಟಿ ರಚನೆ, ಹಾಜರಾತಿ ನಿರ್ವಹಣೆ, ಪರೀಕ್ಷಾ ಯೋಜನೆ ಮತ್ತು ಕಾರ್ಯಕ್ಷಮತೆಯ ಒಳನೋಟಗಳ ಮೂಲಕ ದಿನನಿತ್ಯದ ಶೈಕ್ಷಣಿಕ ಪ್ರಕ್ರಿಯೆಗಳಿಗೆ ಸ್ವಯಂಚಾಲಿತ ಬೆಂಬಲ ನೀಡುತ್ತದೆ.

ಶೈಕ್ಷಣಿಕ ವಿಷಯಗಳ ಹೊರತಾಗಿ, ಎಐ ಏಜೆಂಟ್‌ಗಳು ಪ್ರವೇಶಾತಿ, ಹಣಕಾಸು, ಮಾನವ ಸಂಪನ್ಮೂಲ ಮತ್ತಿತರ ಪೂರಕ ಸೇವೆಗಳಲ್ಲಿ ನೆರವಾಗುತ್ತವೆ. ಇದರಿಂದ ಕಾರ್ಯನಿರ್ವಹಣೆಯ ಅವಧಿ ಕಡಿಮೆಯಾಗಿ, ದಕ್ಷತೆಯು ಹೆಚ್ಚುವುದು.

 ಈ ವೇದಿಕೆಯು ಶೈಕ್ಷಣಿಕ ಡೇಟಾಬೇಸ್‌ಗಳನ್ನು ಸ್ಕ್ಯಾನ್ ಮಾಡುವ, ಸಾಹಿತ್ಯವನ್ನು ಸಂಕ್ಷೇಪ ಮಾಡುವ ಮತ್ತು ಉಲ್ಲೇಖಗಳನ್ನು ಸೂಚಿಸುವ ಸಾಮರ್ಥ್ಯ ಹೊಂದಿದೆ. ಸಂಶೋಧನೆಗೆ ಪೂರಕವಾದ ಏಜೆಂಟ್‌ಗಳನ್ನು ‍ಪರಿಚಯಿಸಿ,ಸಂಶೋಧಕರು ಆಡಳಿತಾತ್ಮಕ ಕಾರ್ಯಗಳಿಗಿಂತ ನಾವೀನ್ಯತೆಯ ಮೇಲೆ ಕೇಂದ್ರೀಕರಿಸಲು ಅನುವು ಮಾಡಿಕೊಡುತ್ತದೆ.ಪ್ರವೇಶಾತಿ ಮತ್ತು ಅರ್ಜಿ ವಿಲೇವಾರಿಯನ್ನು ವ್ಯವಸ್ಥಿತಗೊಳಿಸುವ ಮೂಲಕ ಮತ್ತು ನಿಮಿಷಗಳಲ್ಲಿ ಅಭ್ಯರ್ಥಿ ಆಯ್ಕೆಯನ್ನು ನೀಡುವ ಮೂಲಕ ಕಾರ್ಯನಿರ್ವಹಣೆಯನ್ನು ಕ್ಷಿ‍ಪ್ರಗೊಳಿಸುತ್ತದೆ. ಇವು 24/7 ಅಂದರೆ ಹಗಲೂರಾತ್ರಿ ಎನ್ನದೇ ಸಹಾಯವನ್ನು ಒದಗಿಸುತ್ತವೆ. ಇದರಿಂದಾಗಿ ಕಾಯುವಿಕೆ ಕಡಿಮೆಯಾಗುತ್ತದೆ. ಮುಂದಿನ ಎರಡು ವರ್ಷಗಳಲ್ಲಿ ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ಕಾರ್ಯಗಳಲ್ಲಿ 50 ಕ್ಕೂ ಹೆಚ್ಚು ಎಐ ಏಜೆಂಟ್‌ಗಳನ್ನು ನಿಯೋಜಿಸಲು ಮಾಹೆ ಉದ್ದೇಶಿಸಿದ್ದು, ವಿಶ್ವವಿದ್ಯಾಲಯದೊಳಗೆ ಸಮಗ್ರ ಎಐ ಪರಿಸರ ವ್ಯವಸ್ಥೆಯನ್ನು ಸೃಷ್ಟಿಸಲಾಗುವುದು.

ಈ ಸಮಾರಂಭದಲ್ಲಿ ಪಾಲ್ಗೊಂಡ ಮಾಹೆ ಕುಲಪತಿಗಳಾದ ಲೆಫ್ಟಿನೆಂಟ್ ಜನರಲ್ (ಡಾ.) ಎಂ ಡಿ ವೆಂಕಟೇಶ್ VSM (ನಿವೃತ್ತ) ‘ನಮ್ಮ ಡಿಜಿಟಲ್ ವಿಕಾಸದಲ್ಲಿ ‘ಮ್ಯಾಜಿಕ್’ ಎಂಬುದು ಒಂದು ಪರಿವರ್ತಕ ಹೆಜ್ಜೆ. ಶೈಕ್ಷಣಿಕ ಮತ್ತು ಆಡಳಿತಾತ್ಮಕ ಪರಿಸರ ವ್ಯವಸ್ಥೆಗಳಲ್ಲಿ ಎಐ ಅನ್ನು ಸಂಯೋಜಿಸುವ ಮೂಲಕ, ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ಶ್ರೇಷ್ಠತೆಯನ್ನು ಸಾಧಿಸಲು ಈ ತಂತ್ರಜ್ಞಾನವು ನೆರವಾಗುತ್ತದೆ’ ಎಂದರು.

ಸೇಲ್ಸ್‌ ಫೋರ್ಸ್‌ನ ದಕ್ಷಿಣ ಏಷ್ಯಾದ ಅಧ್ಯಕ್ಷೆ ಮತ್ತು ಸಿಇಒ ಅರುಂಧತಿ ಭಟ್ಟಾಚಾರ್ಯ ‘ ಮಾಹೆ ನಂತಹ ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ಎಐ ಏಜೆಂಟ್‌ಗಳ ಏಕೀಕರಣವು ಕಲಿಕೆ, ಸಂಶೋಧನೆ ಮತ್ತು ಸಾಂಸ್ಥಿಕ ಕಾರ್ಯಾಚರಣೆಗೆ ಬಹುಮಟ್ಟಿಗೆ ನೆರವಾಗುತ್ತದೆ. ವಿದ್ಯಾರ್ಥಿಗಳು, ಅಧ್ಯಾಪಕರು ಮತ್ತು ಆಡಳಿತ ವ್ಯವಸ್ಥೆಯಲ್ಲಿರುವವರ ಕೌಶಲವನ್ನು ಇದು ಇನ್ನಷ್ಟು ಸಬಲೀಕರಣ ಮಾಡುತ್ತದೆ.’ ಎಂದರು.

ಡೆಲಾಯ್ಟ್ ಇಂಡಿಯಾದ ಮುಖ್ಯಸ್ಥ ಅಶ್ವಿನ್ ಬಲ್ಲಾಳ್ ‘ಮಾಹೆ ಯ ಮ್ಯಾಜಿಕ್ ಉಪಕ್ರಮವು ಉನ್ನತ ಶಿಕ್ಷಣ ಸಂಸ್ಥೆಗಳ ಡಿಜಿಟಲ್ ವಿಕಸನದಲ್ಲಿ ಒಂದು ಉತ್ತಮ ಹೆಜ್ಜೆಯಾಗಿದೆ. ಪ್ರಮುಖ ಶೈಕ್ಷಣಿಕ ಮತ್ತು ಆಡಳಿತ ವ್ಯವಸ್ಥೆಗಳಲ್ಲಿ ಏಜೆಂಟ್ ಎಐ ಅನ್ನು ಸಂಯೋಜಿಸುವ ಮೂಲಕ, ಮಾಹೆ ವಿದ್ಯಾರ್ಥಿಗಳು, ಅಧ್ಯಾಪಕರು ಮತ್ತು ನಿರ್ವಾಹಕರಲ್ಲಿ ದಕ್ಷತೆ ಮೂಡಿಸುವುದು ಸುಲಭವಾಗಲಿದೆ. ಅಲ್ಲದೆ ನಿರ್ಧಾರ ತೆಗೆದುಕೊಳ್ಳಲು ಕೂಡ ಇದು ನೆರವಾಗುವುದು’

 ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಬಗ್ಗೆ:

ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (MAHE ಮಾಹೆ) ಒಂದು ಶ್ರೇಷ್ಠ ಸಂಸ್ಥೆಯಾಗಿದ್ದು, ಆರೋಗ್ಯ ವಿಜ್ಞಾನ, ನಿರ್ವಹಣೆ, ಕಾನೂನು, ಮಾನವಿಕ ಮತ್ತು ಸಮಾಜ ವಿಜ್ಞಾನ ಮತ್ತು ತಂತ್ರಜ್ಞಾನ ಮತ್ತು ವಿಜ್ಞಾನದಲ್ಲಿ 400 ಕ್ಕೂ ಹೆಚ್ಚು ವೈಶಿಷ್ಟ್ಯತೆ ಹೊಂದಿದೆ. ಮಾಹೆ ಮಣಿಪಾಲ್, ಮಂಗಳೂರು, ಬೆಂಗಳೂರು, ಜೆಮ್‌ಶೆಡ್‌ಪುರ ಮತ್ತು ದುಬೈನಲ್ಲಿರುವ ಕ್ಯಾಂಪಸ್‌ಗಳಲ್ಲಿ ತನ್ನ ಘಟಕ ಸಂಸ್ಥೆಗಳ ಮೂಲಕ ಕಾರ್ಯನಿರ್ವಹಿಸುತ್ತದೆ.

ಶೈಕ್ಷಣಿಕ ಶ್ರೇಷ್ಠತೆ, ವಿಶ್ವ ದರ್ಜೆಯ ಮೂಲಸೌಕರ್ಯ ಮತ್ತು ಪ್ರಭಾವಶಾಲಿ ಸಂಶೋಧನಾ ಕೊಡುಗೆಗಳಿಗೆ ಹೆಸರುವಾಸಿಯಾದ ಮಾಹೆ, ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮನ್ನಣೆಯನ್ನು ಗಳಿಸಿದೆ. 2020 ರಲ್ಲಿ, ಭಾರತ ಸರ್ಕಾರದ ಶಿಕ್ಷಣ ಸಚಿವಾಲಯವು MAHE ಗೆ ಪ್ರತಿಷ್ಠಿತವಾದ ‘ಶ್ರೇಷ್ಠತೆ’ ಸ್ಥಾನಮಾನವನ್ನು ನೀಡಿತು. ಪ್ರಸ್ತುತ ರಾಷ್ಟ್ರೀಯ ಸಾಂಸ್ಥಿಕ ಶ್ರೇಯಾಂಕ ಚೌಕಟ್ಟಿನಲ್ಲಿ (NIRF) 3 ನೇ ಸ್ಥಾನದಲ್ಲಿದೆ.